కురబలకోట: కారు ఢీకొని వ్యక్తికి తీవ్ర గాయాలు
అంగళ్లు చేనేత నగర్ లో శుక్రవారం కారు ఢీకొని వ్యక్తికి తీవ్ర గాయాలయ్యాయని ముదివేడు ఎస్ఐ దిలీప్ కుమార్ తెలిపారు. జంగాలపల్లికి చెందిన శేఖర్ (59) కురబల కోటకు వెళ్లాడు. అక్కడనుండి చేనేత నగర్ లో ఉన్న తన కుమార్తెను చూడడానికి బైక్ పై వెళుతుండగా కారు ఢీకొని తీవ్రంగా గాయపడ్డాడు. శేఖర్ ను ఆసుపత్రికి తరలించగా డాక్టర్ల సలహా మేరకు మెరుగైన వైద్యం కోసం తిరుపతి రుయా ఆసుపత్రికి తరలించారు.
