బోడమల్లయ్య స్వామి ఉపవాస మహోత్సవంలో పాల్గొన్న ఎమ్మెల్యే
రాప్తాడు మండలం గోళ్లపల్లి గ్రామ సమీపంలో కొలువైన కురుబల ఆరాధ్యదైవం శ్రీ బోడ మల్లయ్య స్వామి వారి ఉపవాస మహోత్సవ కార్యక్రమం శనివారం వైభవంగా జరిగింది. కార్యక్రమానికి రాప్తాడు ఎమ్మెల్యే పరిటాల సునీత హాజరయ్యారు. ఆలయం వద్ద గురవయ్యలకు పాలుపోసే కార్యక్రమం నిర్వహించి అనంతరం అన్నదాన కార్యక్రమాన్ని ప్రారంభించారు. ఈ సందర్భంగా ఆమె మాట్లాడుతూ ప్రజలంతా సుఖసంతోషాలతో ఉండాలని వేడుకున్నట్లు తెలిపారు.
