గుంతకల్లులో 88 బస్తాల రేషన్ బియ్యం పట్టివేత

గుంతకల్లులోని టూ టౌన్ పోలీస్ స్టేషన్ పరిధిలో అక్రమంగా బొలెరో వాహనంలో రేషన్ బియ్యాన్ని తరలిస్తుండగా శుక్రవారం పోలీసులు పట్టుకున్నారు. బొలెరోలో అక్రమంగా తరలిస్తున్న 88 బస్తాల రేషన్ బియ్యాన్ని స్వాధీనం చేసుకున్నారు. బొలెరో వాహనాన్ని సీజ్ చేశారు. రేషన్ బియ్యాన్ని రెవెన్యూ అధికారులకు అప్పగించారు. ఈ ఘటనపై టూ టౌన్ పోలీసులు ఇద్దరిపై కేసు నమోదు చేసి దర్యాప్తు చేపట్టారు.