అనంత: ఉదయం 6 గంటలకే పెన్షన్ పంపిణీ ప్రారంభించాలి

ఎన్టీఆర్ భరోసా పథకం కింద పెన్షన్ల పంపిణీ నవంబర్ 1న ఉదయం 6 గంటలకే మొదలు కావాలని అనంతపురం కలెక్టర్ వినోద్ కుమార్ అధికారులను సోమవారం ఆదేశించారు. జిల్లాలో మొత్తం 2, 85, 004 పెన్షన్లు ఉండగా, అందుకు సంబంధించి రూ. 120, 09, 75, 000 పంపిణీ చేయడం జరుగుతుందన్నారు. బ్యాంకులలో నగదు సిద్ధంగా ఉంచాలని ఆదేశించారు. ఈనెల 30వ తేదీనే బ్యాంకుల నుంచి నగదు విత్ డ్రా చేసుకోవాలన్నారు.