గాజువాక: వేతన బ‌కాయిల కోసం ఆందోళన
వేతన బకాయి చెల్లింపు, ఇతర సమస్యలను పరిష్కరించాలని కోరుతూ సిఐటియు ఆధ్వర్యాన సినర్జీస్‌ కార్మికులు చేపడుతున్న ఆందోళన గురువారం రెండో రోజు కొనసాగింది. పెద్దఎత్తున పోలీసు బలగాలను మోహరించినప్పటికీ, జోరున కురుస్తున్న వర్షంలోనూ ఆందోళన కొనసాగించారు. తమ సమస్యలను పరిష్కరించాలని కార్మికులు భారీ ఎత్తున నినాదాలు చేశారు. ఈ సందర్భంగా ఆందోళన చేస్తున్న కార్మికులను వారించే ప్రయత్నం పోలీసులు చేసారు.
