ప్రధాని మోడీ నియోజకవర్గంలో విషాదం.. గోపురం కూలి వ్యక్తి మృతి (వీడియో)

ప్రధాని మోడీ నియోజకవర్గం వారణాసిలో గురువారం విషాద ఘటన జరిగింది. వర్షం పడడంతో మేవాలాల్ (57) అనే వ్యక్తి బారాదరి గోపురం కింద కూర్చున్నాడు. భోజనం చేస్తుండగా అకస్మాత్తుగా ఆ గోపురం కుప్పకూలింది. దీంతో మేవాలాల్ సంఘటనా స్థలంలోనే చనిపోయాడు. ఓ కుక్క కూడా ప్రాణాలు కోల్పోయింది. అయితే అప్పటి వరకు అక్కడ ఉన్న కొందరు ఈ ప్రమాదం జరగడానికి ముందే వెళ్లిపోయారు. దీంతో వారికి ప్రాణాపాయం తప్పింది.