స్కూటీని ఢీకొట్టి అర కిలోమీటరు ఈడ్చుకెళ్లిన కారు (వీడియో)

యూపీలో ఘోర రోడ్డు ప్రమాదం సంభవించింది. లక్నోలోని పీజీఐ పీఎస్ పరిధిలో శుక్రవారం వేగంగా వెళ్తున్న కారు.. ఓ స్కూటీని బలంగా ఢీకొట్టింది. ఈ ఘటనలో స్కూటీపై ఉన్న ఇద్దరు వ్యక్తులకు తీవ్రగాయాలు అయ్యాయి. అయితే ప్రమాదం జరిగిన తర్వాత కారు బానెట్ కింద ఇరుక్కున్న స్కూటీని.. కారు డ్రైవర్ దాదాపు ఒక అర కిలోమీటరు దూరం అలాగే ఈడ్చుకెళ్లాడు. దీంతో ఘటనపై కేసు నమోదు చేసుకున్న పోలీసులు దర్యాప్తు చేపట్టారు. కాగా, ఈ ఘటనకు సంబంధించిన వీడియో నెట్టింట వైరలవుతోంది.