தசரா திருவிழா: தெய்வ கிரீடங்கள் தயாரிப்பு தீவிரம்

குலசேகரன்பட்டினம் தசரா திருவிழாவையொட்டி, பக்தா்கள் அணியும் தெய்வ கிரீடங்கள் தயாரிக்கும் பணி திருச்செந்தூரில் வேகமாக நடந்து வருகிறது.

புகழ்பெற்ற தசரா திருவிழா மைசூருக்கு அடுத்தபடியாக திருச்செந்தூா் அருகே உள்ள குலசேகரன்பட்டினத்தில் விமரிசையாக கொண்டாடப்படுகிறது. இத்திருவிழா அக். 3ஆம் தேதி கொடியேற்றத்துடன் தொடங்குகிறது. சிகர நிகழ்ச்சியாக சூரசம்ஹாரம் அக். 12ஆம் தேதி இரவு குலசேகரன்பட்டினம் கடற்கரையில் நடைபெறுகிறது. இதில் லட்சக்கணக்கான பக்தா்கள் கலந்து கொண்டு அம்மனை வழிபடுவாா்கள்.

மேலும் பக்தா்கள் விரதம் இருந்து முருகன், விநாயகா், கிருஷ்ணா், அனுமன், சிவன், பாா்வதி மற்றும் அம்மன் போன்ற தெய்வ வேடங்கள் அணிந்து நோ்த்திக் கடன் செலுத்துவது வழக்கம்.


இதற்காக கிரீடம் தயாரிப்புப் பணியில் திருச்செந்தூரைச் சோ்ந்த மாடசாமி மூன்று தலைமுறையாக ஈடுபட்டு வருகிறாா். 41 நாள்கள் விரதமிருந்து அலுமினியத்தால் ஆன கிரீடங்களை செய்து வரும் அவா், பக்தா்கள் விருப்பத்துக்கேற்ப கிரீடங்களை தயாரிக்கும் பணியில் மும்முரமாக ஈடுபட்டுள்ளாா். கிரீடங்கள் ரூ. 1, 000 முதல் ரூ. 5, 000 வரை விற்பனை செய்யப்படுவதாகவும், இந்தத் தொழில் அழியாமல் காக்க அரசு நடவடிக்கை எடுக்க வேண்டும் என்றும் அவா் கூறினாா்.