தமிழ் பல்கலை.யில் 50% தள்ளுபடியில் நூல்கள் விற்பனை

தமிழ்ப் பல்கலைக்கழகம் தொடங்கப்பட்ட நாள், பேரறிஞர் அண்ணா பிறந்த நாளையொட்டி, தமிழ்ப் பல்கலைக்கழகத்தின் பதிப்புத் துறையில் 50 சதவீதத் தள்ளுபடி விலையில் நூல்கள் சிறப்பு விற்பனை புதன்கிழமை தொடங்கியது.

தொடர்ந்து அக்டோபர் 17-ஆம் தேதி வரை ஒருமாத காலத்துக்கு நடைபெறும் இந்தச் சிறப்புத்தள்ளுபடி விற்பனையைப் பல்கலைக்கழகத் துணைவேந்தர் வி. திருவள்ளுவன் தொடங்கி வைத்தார். இந்த வாய்ப்பை பயன்படுத்திக் கொள்ளலாம் என துணை வேந்தர் தெரிவித்தார்.

இவ்விழாவில் பதிவாளர் (பொ) சி. தியாகராஜன், பதிப்புத் துறை இயக்குநர் (பொ) கோ. பன்னீர்செல்வம், மக்கள் தொடர்பு அலுவலர் (பொ) இரா. சு. முருகன் உள்ளிட்டோர் கலந்து கொண்டனர்.