சிவகங்கை: வளர்ச்சித் திட்டப்பணிகள் குறித்து ஆட்சியரகத்தில் கலந்தாய்வு
சிவகங்கை மாவட்டத்திற்கு புதிதாக நியமனம் செய்யப்பட்டுள்ள மாவட்ட கண்காணிப்பு அலுவலர் மீன்வளம் மற்றும் மீனவர் நலத்துறை இயக்குநர் இரா. கஜலட்சுமி அவர்கள், மாவட்ட ஆட்சித்தலைவர் ஆஷா அஜித், அவர்கள் தலைமையில், அனைத்துத் துறைகளின் சார்பில் மேற்கொள்ளப்பட்டு வரும் வளர்ச்சித் திட்டப்பணிகள் மற்றும் திட்டப் பயன்கள் குறித்து, மாவட்ட ஆட்சியர் அலுவலகத்தில், அனைத்து துறை முதன்மை அலுவலர்களுடன் துறை வாரியாக கலந்தாய்வுக் கூட்டம் மேற்கொண்டனர். சிவகங்கை மாவட்டத்தில் தமிழக அரசால் செயல்படுத்தப்பட்டு வரும் அனைத்து நலத்திட்டங்களும், மாவட்டத்தின் அனைத்துப் பகுதிகளிலும் வசிக்கும் மக்களுக்கும் கிடைக்கப் பெறச் செய்யும் வகையில், மாவட்ட நிர்வாகத்தினால் சிறப்பான பணிகள் மேற்கொள்ளப்பட்டு வருகிறது. அப்பணிகள் தொடர்பாகவும், பொதுமக்களுக்கு தேவையான அடிப்படை வசதிகளை அனைத்துப் பகுதிகளிலும் மேம்படுத்தும் விதமாகவும், நடைபெற்று வரும் பல்வேறு வளர்ச்சித் திட்டப்பணிகள் தொடர்பாகவும் களஆய்வுகள் மேற்கொள்ளவும், அதுமட்டுமன்றி, அனைத்துத்துறை அரசு அலுவலர்களையும் ஒருங்கிணைத்து, துறை ரீதியாக மேற்கொள்ளப்பட வேண்டிய பணிகள் குறித்து, சம்பந்தப்பட்ட முதன்மை அலுவலர்களுடன் கலந்தாய்வுக் கூட்டமும் மேற்கொள்ளும் பொருட்டு, அரசின் சார்பில் மாவட்டம் வாரியாக மாவட்ட கண்காணிப்பு அலுவலர்கள் நியமனம் செய்யப்பட்டு, கலந்தாய்வு மேற்கொள்ளப்பட்டது.
