பைக் மோதி கருகிய ஆம்னி பஸ்... ஒருவர் பலி(வீடியோ)

விருதுநகர்: சிவகாசியிலிருந்து கோவை நோக்கு தனியார் ஆம்னி பஸ் நேற்று(நவ.21) இரவு 6 பயணிகளுடன் புறப்பட்டது. பஸ் சாத்தூர் சாலையில் அனுப்பன்குளம் அருகே சென்றபோது எதிரே வந்த பைக் மீது மோதியது. இதில் பைக் சிறிது தூரம் இழுத்துச் செல்லப்பட்டதில் பைக்கின் பெட்ரோல் டேங்க் வெடித்து பஸ்சில் தீப்பிடித்தது. இதனையடுத்து பஸ்சிலிருந்த அனைவரும் கீழே இறங்கிய நிலையில், பஸ் எரிந்து நாசமானது. விபத்தில் பைக்கில் வந்த கார்த்திக்(35) சம்பவ இடத்திலேயே உயிரிழந்தார். விபத்து குறித்து போலீஸார் விசாரிக்கின்றனர்.