வங்கதேசம் vs தென்னாப்பிரிக்கா இன்று மோதல்!

டி20 உலகக் கோப்பை-2024 கிரிக்கெட் தொடரின் ஒரு பகுதியாக, வங்கதேசம் மற்றும் தென்னாப்பிரிக்கா இடையேயான போட்டி இன்று (திங்கள்கிழமை) நடைபெறவுள்ளது. இரு அணிகளும் நியூயார்க்கில் உள்ள நாசாவ் கவுண்டி சர்வதேச கிரிக்கெட் மைதானத்தில் இரவு 8 மணிக்கு பலப்பரீட்சை செய்கின்றன.

குரூப்-டியில் விளையாடிய இரண்டு போட்டிகளில் வெற்றி பெற்று புள்ளிகள் பட்டியலில் தென்னாப்பிரிக்கா முதலிடத்தில் உள்ளது. வங்கதேச அணியும் முதல் போட்டியில் வெற்றி பெற்று உற்சாகத்தில் உள்ளது. இதன் மூலம் இவ்விரு அணிகளுக்கும் இடையே பரபரப்பான போட்டி இன்று நடக்கும் என எதிர்பார்க்கப்படுகிறது.