పెద్దమండెం: కారు ఢీకొని యువకుడి పరిస్థితి విషమం
కారు ఢీకొని స్కూటరిస్టు తీవ్రంగా గాయపడిన సంఘటన ఆదివారం పెద్ద మండెం మండలంలో జరిగిందని ఎస్సై పివి రమణ తెలిపారు. శివపురం వద్ద కనకంటివారి పల్లెకు చెందిన అశోక్ కుమార్ (26) ఆదివారం సొంత బైకు మీద గుర్రంకొండకు వెళ్లాడు. పని ముగించుకుని తిరిగి వస్తుండగా మార్గమధ్యంలో తురకపల్లి వద్ద కారు ఢీకొని కాళ్లు, నడుము విరిగి తీవ్రంగా గాయపడ్డాడు. బాధితుడిని 108 వాహనంలో ఆసుపత్రికి తరలించారు.
