పెద్దారవీడు: నీటి కోసం నిరసన
పెద్దారవీడు మండలం వైడిపాడు ఎస్సీ పాలెం లో సోమవారం నీళ్ల కోసం గ్రామస్తులు రోడ్డెక్కారు. ఖాళీ బిందెలతో మహిళలు స్థానికులు నిరసన తెలిపారు. వారం రోజుల నుంచి తీవ్ర నీటి సమస్యతో ఇబ్బందులు పడుతున్నామని మహిళలు ఆగ్రహం వ్యక్తం చేశారు. గతంలో నీటి ట్యాంకర్ల ద్వారా నీటిని సరఫరా చేసేవారిని ప్రస్తుతం నీటి సరఫరా నిలిపివేయడంతో ఇబ్బందులు పడుతున్నామని అన్నారు. తక్షణమే నీటి సమస్య పరిష్కరించాలని డిమాండ్ చేశారు.
