సింగరాయకొండ: ద్విచక్ర వాహనాల దొంగలు అరెస్ట్

జల్సాలకు పోయి దొంగతనాలకు పాల్పడుతున్న ఐదుగురిని సింగరాయకొండ పోలీసులు గురువారం అదుపులోకి తీసుకున్నారు. చిలకలూరిపేట, గుంటూరు జిల్లాలకు చెందిన ఈ దొంగలు గత కొద్ది రోజులుగా ద్విచక్ర వాహనాలను చోరీ చేయడంతో పాటు గంజాయిని విక్రయిస్తూ యువతను పాడు చేస్తున్నారని సిఐ హజరతయ్యా తెలిపారు. నిందితుల వద్ద నుంచి 13 ద్విచక్ర వాహనాలు 2 కిలోల గంజాయిని స్వాధీనం చేసుకొని కోర్టులో ప్రవేశపెడుతున్నామన్నారు.