నిడదవోలు: గోదావరిలో పడి కోనసీమ జిల్లా వాసి మృతి
నిడదవోలు మండలం పెండ్యాల వద్ద గోదావరిలో స్నానానికి దిగి మృతి చెందిన వ్యక్తి వివరాలు లభ్యమైనట్లు సమిశ్రగూడెం పోలీసులు ఆదివారం తెలిపారు. మృతి చెందిన వ్యక్తి కోనసీమ జిల్లా ఆత్రేయపురం మండలం అంకంపాలెం గ్రామానికి చెందిన మద్దిపాటి శ్రీరామ్మూర్తి (55) అని పోలీసులు చెప్పారు. గోదావరిలో స్నానం చేసేందుకు దిగి ప్రమాదవశాత్తు మృతి చెందినట్లు తెలిపారు. దీనిపై కేసు నమోదు చేసి దర్యాప్తు చేస్తున్నామన్నారు.
