ఆకివీడు: చోరీ కేసులో ఇద్దరు అరెస్ట్
ఆకివీడు మండలం చినకాపవరం గ్రామానికి చెందిన సూర్య మణికంఠ, సూరిబాబు కలిసి ఇటీవల మినీ రవాణా ట్రక్కును అపహరించారు. అనంతరం ఆకివీడులో గేదె, దూడలను చోరీ చేసి అదే ట్రక్కులో ఎక్కించి హనుమాన్ జంక్షన్ పరారయ్యారు. దీంతో బాధితులు ఇచ్చిన ఫిర్యాదు మేరకు కేసు నమోదు చేసిన పోలీసులు ఇద్దరు నిందితులను శుక్రవారం అదుపులోకి తీసుకొని అరెస్టు చేసినట్లు ఎస్సై నాగరాజు తెలిపారు.
