బెల్ట్ షాప్ నిర్వాహకుడు అరెస్ట్..13 మద్యం సీసాలు స్వాధీనం
అనపర్తి మండలం మహేంద్రవాడ గ్రామంలో బెల్ట్ షాప్ నిర్వహిస్తున్న ఓ వ్యక్తిని అదుపులోకి తీసుకున్నట్లు అనపర్తి ఎస్సై శ్రీను నాయక్ శనివారం తెలిపారు. తమకు వచ్చిన సమాచారం మేరకు తమ సిబ్బందితో కలిసి దాడులు నిర్వహించి మహేంద్రవాడలో బెల్ట్ షాప్ నిర్వహిస్తున్న కర్రి నాగిరెడ్డి అనే వ్యక్తిని అరెస్టు చేసి అతని వద్ద నుంచి 13 మద్యం సీసాలు స్వాధీనం చేసుకున్నట్లు తెలిపారు. కేసు నమోదు చేసి దర్యాప్తు చేస్తున్నామన్నారు.
