యాదాద్రి పుణ్యక్షేత్రంలో భక్తుల రద్దీ

యాదాద్రి పుణ్యక్షేత్రంలో కార్తీక మాసం రెండో రోజైన ఆదివారం భక్తుల రద్దీ నెలకొంది. పలు ప్రాంతాలను నుంచి వచ్చిన భక్తులు పంచనారసింహులతో పాటు రామలింగేశ్వర స్వామిని దర్శించి, కార్తీక ఆరాధనలను చేపట్టి మొక్కులు తీర్చుకున్నారు. భక్తదంపతులు పలువురు శ్రీసత్య నారాయణ స్వామి వ్రతాలను చేపట్టి ఆశీస్సులు పొందారు. ఆలయ ఈవో భాస్కరరావు పర్యవేక్షణలో కార్తీక ఆరాధనలు ప్రధాన, అనుబంధ ఆలయాల్లో శాస్త్రోక్తంగా కొనసాగాయి.