బోధన్: 11మంది పేకాట రాయుళ్ల అరెస్టు

బోధన్ పట్టణంలోని ఆర్టీసీ కాలనీలోని ఓ ఇంటిలో పేకాట ఆడుతున్న సమాచారం మేరకు దాడులు చేసి 11మందిని అరెస్టు చేశామని పట్టణ సీఐ వెంకట నారాయణ తెలిపారు. ఆర్టీసీ కాలానీలోని ఓ ఇంట్లో పేకాట ఆడుతున్నారని సమాచారం రావడంతో సిబ్బందితో కలిసి దాడులు చేయడం జరిగిందన్నారు. 11 మంది పేకాట రాయుళ్లను అరెస్టు చేసి కేసు నమోదు చేయడం జరిగిందన్నారు. వారి వద్ద నుండి 2 లక్షల 3 వేల రూపాయలు,10 సెల్ ఫోన్స్ సీజ్ చేసినట్లు ఆయన తెలిపారు.