திருக்கோவிலூர் - Tirukoilur

திண்டிவனம், டி.வி. நகர் முதல் தெருவைச் சேர்ந்தவர் சரவணன் மகன் பார்த்தீபன் (25), இவர் நேற்று இரவு 8:45 மணிக்கு உதயம் நகரிலிருந்து திண்டிவனம் நோக்கிப் பைக்கில் சென்று கொண்டிருந்தார். அப்போது, விழுப்புரத்திலிருந்து சென்னை நோக்கிச் சென்று கொண்டிருந்த அரசு பஸ் பைக் மீது மோதி விபத்துக்குள்ளானது. இந்த விபத்தில் பலத்த அடிபட்ட பார்த்திபன், திண்டிவனம் அரசு மருத்துவமனைக்குச் சிகிச்சைக்குக் கொண்டு செல்லும்போது, வழியிலேயே இறந்துவிட்டார். விபத்து தொடர்பாக திண்டிவனம் டவுன் போலீசார், அரசு பஸ் டிரைவர் மீது வழக்குப் பதிவு செய்து விசாரணை நடத்தி வருகின்றனர்.