சிவகங்கை: மாவட்ட முதன்மை கல்வி அலுவலர் முக்கிய தகவல்
தமிழகத்தில் கடந்த சில நாட்களாக வடகிழக்கு பருவமழை பெய்து வருவதால் மாநிலம் முழுவதும் கன மழை மற்றும் மிதமான மழை பெய்து வருகிறது. இதனையடுத்து பள்ளி, கல்லூரி செல்லும் மாணவர்கள் தொடர்ந்து சிக்கலுக்கு உள்ளாவதால் அதிக மழை பெய்யும் மாவட்டங்களில் பள்ளி, கல்லூரிகளுக்கு விடுமுறை அளிக்கப்பட்டு வருகிறது. இதனைத் தொடர்ந்து சிவகங்கை மாவட்டத்தில் பல்வேறு பகுதிகளில் மழை பெய்து வருகிறது. மழை பெய்யும் இடங்களில் அந்தந்த தலைமை ஆசிரியர்களே விடுமுறை அறிவித்துக் கொள்ளலாம் என இன்று (நவம்பர் 8) காலை 9 மணியளவில் பள்ளிக்கல்வித்துறை சார்பில் மாவட்ட முதன்மை கல்வி அலுவலர் உத்தரவிட்டுள்ளார்.
