கோவை: இருசக்கர வாகன திருட்டு - ஒருவர் கைது
கோவை பேரூரில் இரவு ரோந்தில் ஈடுபட்ட போலீசார், சந்தேகத்திற்கிடமான முறையில் சென்ற இருசக்கர வாகனத்தைத் தடுத்து சோதனை மேற்கொண்டனர். விசாரணையில், அந்த நபர் இருசக்கர வாகனங்களை திருடியது உறுதி செய்யப்பட்டது. கைது செய்யப்பட்டவர் இளங்கோவன் எனவும், அவரிடம் இருந்து இரண்டு வாகனங்கள் பறிமுதல் செய்யப்பட்டன. அவர்மீது வழக்கு பதிவு செய்யப்பட்டு, கோவை மத்திய சிறையில் அடைக்கப்பட்டார். மேலும், இதுகுறித்து தொடர்புடையவர்கள் மற்றும் பிற திருட்டு வழக்குகள் குறித்து போலீசார் விசாரணை நடத்தி வருகின்றனர்.
