బొబ్బిలి: బాడంగి మండలంలో మాజీ ఎమ్మెల్యే శంబంగి పర్యటన
బొబ్బిలి నియోజకవర్గం బాడంగిలో మాజీ ఎమ్మెల్యే శంబంగి వెంకట చిన అప్పలనాయుడు ఆదివారం పర్యటించారు. అందులో భాగంగా వైసీపీ నాయకుడు ముగడ వెంకటరమణ కాలికి బలమైన గాయం కావడంతో ఇటీవల శస్త్రచికిత్స చేయించుకున్నారు. ఈ సందర్భంగా శంబంగి వారిని పరామర్శించి ఆరోగ్య పరిస్థితి అడిగి తెలుసుకున్నారు. తగిన విశ్రాంతి తీసుకోవాలని సూచించారు. ఆయన వెంట జడ్పీటీసీ పెద్దింటి రామారావు, తదితర నాయకులు పాల్గొన్నారు.
