ఉంగుటూరు: ట్రాప్ కెమెరాకు చిక్కిన చిరుత..జర జాగ్రత్త
భీమడోలులోని అందనాలమ్మ చెరువుగట్టు వద్ద సోమవారం చిరుతపులి ట్రాప్ కెమెరాలలో కనిపించినట్లు అధికారులు తెలిపారు. అప్రమత్తమైన అటవీశాఖ అధికారులు ఎం. నాగులపల్లి, అందనాలమ్మ చెరువు, కాట్రగడ్డ కళ్యాణమండపం ప్రాంతాల్లో మైకు ద్వారా హెచ్చరికలు జారీ చేశారు. చిరుతను బంధించడానికి సీఐ. విల్సన్ ఆధ్వర్యంలో 2 ట్రాప్ కేజ్‌లను, కెమెరాలను ఏర్పాటు చేసినట్లు తెలిపారు. ప్రజలు అప్రమత్తంగా , ఒంటరిగా తిరగరాదని సూచించారు.
