ராஜபாளையத்தில் கொட்டித் தீர்த்த கனமழை. விவசாயிகள், பொதுமக்கள் மகிழ்ச்சி. விருதுநகர் மாவட்டம், ராஜபாளையம் மற்றும் சுற்றுவட்டார பகுதிகளில் பெய்த மழையால் பொதுமக்கள், விவசாயிகள் மகிழ்ச்சி அடைந்துள்ளனர். ராஜபாளையம் மற்றும் சுற்றுவட்டார பகுதிகளில் கடந்த ஒரு மாதகாலத்திற்கும் மேலாக கடுமையான வெயில் வாட்டிவதைத்தது. வெயிலின் கொடுமையைத் தாங்க முடியாமல் மக்கள் பெரும் அவதிக்கு உள்ளானார்கள்.
இதனிடையே தமிழகம் முழுவதும் பல மாவட்டங்களில் பரவலாகப் பலத்த மற்றும் கனமழை பெய்யும் என வானிலை ஆய்வு மையம் தெரிவித்திருந்தது. இந்நிலையில் வழக்கம்போல், நேற்று காலை வெயில் வாட்டிவந்த நிலையில், திடீரென மேகங்கள் சூழ்ந்து, பலத்த காற்று மற்றும் இடி, மின்னலுடன் ராஜபாளையம் நகரப்பகுதி, மேற்குத் தொடர்ச்சி மலைப்பகுதி தளவாய்புரம், சேத்தூர், சத்திரப்பட்டி உள்ளிட்ட சுற்றுவட்டார பகுதியில் சுமார் ஒரு மணிநேரம் மழை கொட்டித் தீர்த்தது. இதனால் தாழ்வான பகுதிகளில் மழைநீர் தேங்கியது. கடந்த ஒரு மாதகாலமாக மழையின்றி, வெயிலில் கடும் அவதியடைந்து வந்த பொதுமக்கள் மற்றும் விவசாயிகள், கொட்டித் தீர்த்த மழையால் மகிழ்ச்சி அடைந்துள்ளனர்.
இதனிடையே தமிழகம் முழுவதும் பல மாவட்டங்களில் பரவலாகப் பலத்த மற்றும் கனமழை பெய்யும் என வானிலை ஆய்வு மையம் தெரிவித்திருந்தது. இந்நிலையில் வழக்கம்போல், நேற்று காலை வெயில் வாட்டிவந்த நிலையில், திடீரென மேகங்கள் சூழ்ந்து, பலத்த காற்று மற்றும் இடி, மின்னலுடன் ராஜபாளையம் நகரப்பகுதி, மேற்குத் தொடர்ச்சி மலைப்பகுதி தளவாய்புரம், சேத்தூர், சத்திரப்பட்டி உள்ளிட்ட சுற்றுவட்டார பகுதியில் சுமார் ஒரு மணிநேரம் மழை கொட்டித் தீர்த்தது. இதனால் தாழ்வான பகுதிகளில் மழைநீர் தேங்கியது. கடந்த ஒரு மாதகாலமாக மழையின்றி, வெயிலில் கடும் அவதியடைந்து வந்த பொதுமக்கள் மற்றும் விவசாயிகள், கொட்டித் தீர்த்த மழையால் மகிழ்ச்சி அடைந்துள்ளனர்.