விழுப்புரம் மாவட்டத்தில் பெஞ்சல் புயல் மற்றும் மழை வெள்ளத்தால் பாதிக்கப்பட்ட மக்களுக்கு ரூ. 2 ஆயிரம் நிவாரணம் வழங்கி வருகிறது. விடுபட்ட பகுதிகளுக்கு நிவாரணம் கேட்டு மக்கள் போராட்டம் நடத்தி வருகின்றனர். இதே போன்று நேற்று (டிசம்பர் 21) காலை, கிளியனூர் அடுத்த டி. பரங்கனி, குமளம்பட்டு கிராமங்களைச் சேர்ந்த 200க்கும் மேற்பட்ட பொதுமக்கள், டி. பரங்கனி-உப்புவேலூர் செல்லும் சாலைச் சந்திப்பில் ஒன்று திரண்டனர்.
அப்போது, பக்கத்து கிராமங்களுக்கு அரசு நிவாரணம் வழங்கியுள்ளது. அதே போன்று எங்களுக்கும் வெள்ள நிவாரணம் வழங்க வேண்டும் எனக்கூறி திடீரென சாலை மறியலில் ஈடுபட்டனர். அவர்களிடம் கிளியனூர் போலீசார் பேச்சுவார்த்தை நடத்தினர். பின் கோட்டக்குப்பம் டி.எஸ்.பி., உமாதேவி விரைந்து சென்று பேச்சுவார்த்தை நடத்தினார்.
அதில், வருவாய்த்துறை அதிகாரிகள் விரைவில் விடுபட்டவர்களுக்கு நிவாரணத் தொகை வழங்குவதற்கு ஏற்பாடு செய்து வருவதாக உறுதி கூறினர். அதை ஏற்று பொதுமக்கள் சாலை மறியலை கைவிட்டு கலைந்து சென்றனர். மறியலால் அந்தப் பகுதியில் அரை மணி நேரம் போக்குவரத்து பாதிக்கப்பட்டது.
அப்போது, பக்கத்து கிராமங்களுக்கு அரசு நிவாரணம் வழங்கியுள்ளது. அதே போன்று எங்களுக்கும் வெள்ள நிவாரணம் வழங்க வேண்டும் எனக்கூறி திடீரென சாலை மறியலில் ஈடுபட்டனர். அவர்களிடம் கிளியனூர் போலீசார் பேச்சுவார்த்தை நடத்தினர். பின் கோட்டக்குப்பம் டி.எஸ்.பி., உமாதேவி விரைந்து சென்று பேச்சுவார்த்தை நடத்தினார்.
அதில், வருவாய்த்துறை அதிகாரிகள் விரைவில் விடுபட்டவர்களுக்கு நிவாரணத் தொகை வழங்குவதற்கு ஏற்பாடு செய்து வருவதாக உறுதி கூறினர். அதை ஏற்று பொதுமக்கள் சாலை மறியலை கைவிட்டு கலைந்து சென்றனர். மறியலால் அந்தப் பகுதியில் அரை மணி நேரம் போக்குவரத்து பாதிக்கப்பட்டது.