திருவண்ணாமலை மாவட்டம், துறிஞ்சாபுரத்தை அடுத்த ஈச்சங்குப்பம் கிராமத்தைச் சேர்ந்தவர் விநாயகமூர்த்தி (44). விவசாயி. இவருக்குச் சொந்தமான விவசாய நிலத்தின் அருகே தாழ்வாக சென்ற மின்கம்பியை மின்வாரிய அலுவலர்கள் கடந்த சில நாட்களுக்கு முன்பு துண்டித்தனர். இவர் பூ பறிப்பதற்காக தனது நிலத்துக்குச் சென்றபோது, அங்கு துண்டிக்கப்பட்டு கிடந்த மின் கம்பியை மிதித்ததில் மின்சாரம் பாய்ந்து நிகழ்விடத்திலேயே அவர் உயிரிழந்தார்.
இதையறிந்த அவரது உறவினர்கள் மற்றும் பொதுமக்கள் துண்டிக்கப்பட்ட மின் கம்பியை துண்டித்த மின்வாரிய அலுவலர்கள் மின் விநியோகத்தை துண்டிக்காததால், இந்தச் சம்பவம் நிகழ்ந்தது எனக் குற்றஞ்சாட்டி, திருவண்ணாமலை-வேலூர் சாலையில் உள்ள மல்லவாடி மின்வாரிய அலுவலகம் எதிரே விநாயகமூர்த்தியின் சடலத்தை வைத்து மறியலில் ஈடுபட்டனர். தகவலறிந்த போலீசார் நிகழ்விடம் சென்று பேச்சுவார்த்தை நடத்தினர்.
அப்போது, விநாயகமூர்த்தியின் இறப்புக்கு மின்வாரிய அலுவலர்களின் அஜாக்கிரதையே காரணம் எனவும், தொடர்புடைய மின்வாரிய அதிகாரிகள் மீது கடும் நடவடிக்கை எடுக்க வேண்டும். இறந்த விநாயகமூர்த்தியின் குடும்பத்தில் ஒருவருக்கு மின்வாரியத்தில் வேலை வழங்க வேண்டும் என்று கூறி வாக்குவாதத்தில் ஈடுபட்டனர். அப்போது, மின்வாரிய அதிகாரிகள் மீது உரிய நடவடிக்கை எடுக்கப்படும் என்று போலீசார் உறுதியளித்தனர். இதையடுத்து சாலை மறியல் கைவிடப்பட்டது.
இதையறிந்த அவரது உறவினர்கள் மற்றும் பொதுமக்கள் துண்டிக்கப்பட்ட மின் கம்பியை துண்டித்த மின்வாரிய அலுவலர்கள் மின் விநியோகத்தை துண்டிக்காததால், இந்தச் சம்பவம் நிகழ்ந்தது எனக் குற்றஞ்சாட்டி, திருவண்ணாமலை-வேலூர் சாலையில் உள்ள மல்லவாடி மின்வாரிய அலுவலகம் எதிரே விநாயகமூர்த்தியின் சடலத்தை வைத்து மறியலில் ஈடுபட்டனர். தகவலறிந்த போலீசார் நிகழ்விடம் சென்று பேச்சுவார்த்தை நடத்தினர்.
அப்போது, விநாயகமூர்த்தியின் இறப்புக்கு மின்வாரிய அலுவலர்களின் அஜாக்கிரதையே காரணம் எனவும், தொடர்புடைய மின்வாரிய அதிகாரிகள் மீது கடும் நடவடிக்கை எடுக்க வேண்டும். இறந்த விநாயகமூர்த்தியின் குடும்பத்தில் ஒருவருக்கு மின்வாரியத்தில் வேலை வழங்க வேண்டும் என்று கூறி வாக்குவாதத்தில் ஈடுபட்டனர். அப்போது, மின்வாரிய அதிகாரிகள் மீது உரிய நடவடிக்கை எடுக்கப்படும் என்று போலீசார் உறுதியளித்தனர். இதையடுத்து சாலை மறியல் கைவிடப்பட்டது.