திருப்பூர் மாவட்டம் பல்லடம் அடுத்த மங்கலத்தில் ஸ்ரீ தேவி, பூமாதேவி, ஆதிகேசவ பெருமாள் திருக்கோயில் கும்பாபிஷேக விழா வெகு விமர்சையான முறையில் நடைபெற்றது. இந்த நிலையில் கோயில் நிர்வாகம் சார்பில் கொடுத்த அழைப்பை ஏற்று அப்பகுதியை சார்ந்த இஸ்லாமிய மக்கள் நூற்றுக்கும் மேற்பட்டோர் நேற்று முன்தினம்(செப்.15) அந்த கோயிலுக்கு பழம், தாம்பூல தட்டு, பூ, இனிப்பு வகைகள் உள்ளிட்ட சீர்வரிசைகளை எடுத்து வந்து கோயில் நிர்வாகத்தினரிடம் வழங்கினர்.
இதனையடுத்து கோயில் நிர்வாகத்தினர் இஸ்லாமிய மக்களுக்கு மாலை அணிவித்து முதல் மரியாதை செய்தனர். அப்போது இஸ்லாமிய மக்கள் கோயில் கமிட்டி நிர்வாகிகளுக்கு பொன் ஆடை அணிவித்து மரியாதை செலுத்தினர். மேலும் இந்த நிகழ்ச்சியில் திரளான பொதுமக்கள் கலந்து கொண்டு சாமி தரிசனம் செய்தனர். இந்து கோயிலுக்கு இஸ்லாமிய மக்கள் சீர்வரிசை வழங்கிய சம்வம் அப்பகுதி மக்களிடையே நெகிழ்ச்சியை ஏற்படுத்தியுள்ளது.
இதனையடுத்து கோயில் நிர்வாகத்தினர் இஸ்லாமிய மக்களுக்கு மாலை அணிவித்து முதல் மரியாதை செய்தனர். அப்போது இஸ்லாமிய மக்கள் கோயில் கமிட்டி நிர்வாகிகளுக்கு பொன் ஆடை அணிவித்து மரியாதை செலுத்தினர். மேலும் இந்த நிகழ்ச்சியில் திரளான பொதுமக்கள் கலந்து கொண்டு சாமி தரிசனம் செய்தனர். இந்து கோயிலுக்கு இஸ்லாமிய மக்கள் சீர்வரிசை வழங்கிய சம்வம் அப்பகுதி மக்களிடையே நெகிழ்ச்சியை ஏற்படுத்தியுள்ளது.