சிவகங்கை மாவட்டம், தேவகோட்டை ஆனந்தா கல்லூரியில் நடைபெற்ற 19-ஆவது பட்டமளிப்பு விழாவில், அழகப்பா பல்கலைக்கழக துணைவேந்தர் ரவி சிறப்பு விருந்தினராகப் பங்கேற்றார். மாணவர்களின் பட்டங்கள் பெற்றோரின் தியாகத்தால் கிடைத்தவை என்றும், நவீன தொழில்நுட்ப உலகில் போட்டிக்குத் தயாராக பாடப் புத்தக அறிவோடு நிற்காமல் புதிய கல்வி முறைகளைக் கற்க வேண்டும் என்றும் அவர் வலியுறுத்தினார். பட்டப்படிப்பு ஒரு புதிய தொடக்கம் என்றும், வேலை தேடுபவர்களாக மட்டுமல்லாமல் ஆராய்ச்சியாளர்களாகவும் மாற முயற்சிக்க வேண்டும் என்றும் அவர் மாணவர்களுக்கு அறிவுரை வழங்கினார். பல்கலைக்கழக அளவில் தரவரிசையில் இடம் பிடித்த 9 மாணவர்கள், இளங்கலைப் பிரிவில் 198 பேர், முதுகலைப் பிரிவில் 28 பேர் பட்டம் பெற்றனர்.
5 கிலோ சிலிண்டர் விலை ஒரே நாளில் ரூ.261 உயர்வு!