மேட்டூர் அணைக்கு நீர்வரத்து குறைந்துள்ளது. நேற்று (ஜூலை 30) காலை அணைக்கு வினாடிக்கு 70 ஆயிரம் கனஅடி வீதம் தண்ணீர் வந்தது. இந்நிலையில் இரவில் இந்த நீர்வரத்து வினாடிக்கு 40 ஆயிரத்து 500 கனஅடியாக குறைந்துள்ளது. அணையின் நீர்மட்டம் 120 அடியை எட்டியுள்ள நிலையில் அணைக்கு வரும் தண்ணீர் அப்படியே வெளியேற்றப்பட்டு வருகிறது. அணையில் இருந்து திறக்கப்படும் தண்ணீர் அணையை ஒட்டி அமைந்துள்ள நீர்மின் நிலையங்கள் வழியாக வினாடிக்கு 18 ஆயிரம் கனஅடி வீதமும், கால்வாய் பாசனத்திற்கு வினாடிக்கு 500 கனஅடி வீதமும், உபரிநீர் போக்கியான 16 கண் மதகுகள் வழியாக வினாடிக்கு 22 ஆயிரம் கனஅடி வீதமும் தண்ணீர் திறந்து விடப்பட்டு வருகிறது. அணையின் நீர்மட்டம் தொடர்ந்து 6-வது நாளாக 120 அடியாக நீடித்து வருவது குறிப்பிடத்தக்கது.
பொங்கல் பரிசு தொகுப்புடன் ரூ.3000 ரொக்கம்?