சேரன் மாநகரைச் சேர்ந்த ஒரு ஐடி ஊழியருக்காக கள்ளத்துப்பாக்கி வாங்கி வந்த மூவர், தீவிரவாத தடுப்பு பிரிவு போலீசாரால் நேற்று முன்தினம் (டிசம்பர் 23) கைது செய்யப்பட்டுள்ளனர். பீகார் மாநிலத்திலிருந்து வாங்கப்பட்ட இந்த துப்பாக்கி மற்றும் 6 குண்டுகள், தீவிரவாத தடுப்பு பிரிவு போலீசாரின் சிறப்பு ரோந்து பணியின் போது பறிமுதல் செய்யப்பட்டது. கைதானவர்கள், சேரன் மாநகரைச் சேர்ந்த ஐடி ஊழியர் மணிகண்டன் பிரபு, அவரது நண்பர் ஹரிஷ் மற்றும் பீகாரைச் சேர்ந்த குந்தன்ராஜ் ஆகியோர். இந்த சம்பவம் தொடர்பாக பீளமேடு காவல் நிலையத்தில் வழக்கு பதிவு செய்யப்பட்டு, மூவரிடமும் தீவிர விசாரணை நடைபெற்று வருகிறது. கோவை நகரில் கள்ளத்துப்பாக்கி கடத்தல் மற்றும் அதன் பயன்பாடு குறித்து போலீசார் தீவிர விசாரணை மேற்கொண்டு வருகின்றனர். மேலும் விசாரணையில் வெளிவரும் தகவல்களை பொறுத்து வழக்கு பதிவு செய்யப்படும் என தெரிவிக்கப்பட்டுள்ளது.
BS VI அல்லாத தனியார் வாகனங்கள் டெல்லியில் நுழைய தடை