மயிலாடுதுறை மாவட்டத்தில் குற்றச்செயல்களில் ஈடுபடுவோர் மீது கடும் நடவடிக்கை எடுக்கப்படும் என மாவட்ட காவல் கண்காணிப்பாளர் கோ. ஸ்டாலின் எச்சரித்துள்ளார்.இதுகுறித்து, அவர் வெளியிட்ட செய்திக் குறிப்பு:நிகழாண்டு, மயிலாடுதுறை மாவட்டத்தில் குற்றச் செயல்களை தடுக்க காவல் துறை சார்பில் பல்வேறு முன்னெச்சரிக்கை நடவடிக்கைகள், விழிப்புணர்வு நிகழ்ச்சிகள் மேற்கொள்ளப்பட்டன.
அதன்படி, பொது அமைதிக்கு குந்தகம் ஏற்படுத்திய போக்கிரி சரித்திர பதிவேடு குற்றவாளிகள் 77 பேர் கைது செய்யப்பட்டு, சிறையில் அடைக்கப்பட்டுள்ளனர். அவர்களில் 9 பேர் குண்டர் தடுப்புச் சட்டத்தில் திருச்சி மத்திய சிறையில் அடைக்கப்பட்டுள்ளனர். மேலும், 149 குற்றவாளிகள் தொடர்ந்து கண்காணிக்கப்பட்டு வருகின்றனர்.நிகழாண்டில் 13 கொலை வழக்குகள் பதிவு செய்யப்பட்டுள்ளன.
இவற்றில் 12 கொலைகள் உறவினர்களுக்கிடையே ஏற்பட்ட தகராறில் நிகழ்ந்தவை. இவ்வழக்குகளில் சம்பந்தப்பட்ட எதிரிகள் மீது நீதிமன்றத்தில் குற்றப் பத்திரிகை தாக்கல் செய்யப்பட்டுள்ளது.174 திருட்டு வழக்குகள் பதிவு செய்யப்பட்டு, 293 பேர் கைது செய்யப்பட்டுள்ளனர். ரூ. 64,78,275 மதிப்பிலான பொருள்கள் மீட்கப்பட்டு, உரியவர்களிடம் ஒப்படைக்கப்பட்டன. குற்றச்சம்பவங்களில் ஈடுபடுவோர் மீது தொடர்ந்து கடும் நடவடிக்கை எடுக்கப்படும் எனத் தெரிவித்துள்ளார்.
அதன்படி, பொது அமைதிக்கு குந்தகம் ஏற்படுத்திய போக்கிரி சரித்திர பதிவேடு குற்றவாளிகள் 77 பேர் கைது செய்யப்பட்டு, சிறையில் அடைக்கப்பட்டுள்ளனர். அவர்களில் 9 பேர் குண்டர் தடுப்புச் சட்டத்தில் திருச்சி மத்திய சிறையில் அடைக்கப்பட்டுள்ளனர். மேலும், 149 குற்றவாளிகள் தொடர்ந்து கண்காணிக்கப்பட்டு வருகின்றனர்.நிகழாண்டில் 13 கொலை வழக்குகள் பதிவு செய்யப்பட்டுள்ளன.
இவற்றில் 12 கொலைகள் உறவினர்களுக்கிடையே ஏற்பட்ட தகராறில் நிகழ்ந்தவை. இவ்வழக்குகளில் சம்பந்தப்பட்ட எதிரிகள் மீது நீதிமன்றத்தில் குற்றப் பத்திரிகை தாக்கல் செய்யப்பட்டுள்ளது.174 திருட்டு வழக்குகள் பதிவு செய்யப்பட்டு, 293 பேர் கைது செய்யப்பட்டுள்ளனர். ரூ. 64,78,275 மதிப்பிலான பொருள்கள் மீட்கப்பட்டு, உரியவர்களிடம் ஒப்படைக்கப்பட்டன. குற்றச்சம்பவங்களில் ஈடுபடுவோர் மீது தொடர்ந்து கடும் நடவடிக்கை எடுக்கப்படும் எனத் தெரிவித்துள்ளார்.