காஞ்சிபுரம் மாவட்டம் உத்திரமேரூர் ஒன்றியம், சிறுதாமூர் ஊராட்சியில், பட்டா, அருங்குன்றம், சிறுதாமூர் ஆகிய துணை கிராமங்கள் உள்ளன. இங்கு, 3,000க்கும் மேற்பட்டோர் வசித்து வருகின்றனர். இப்பகுதியில், விவசாயம் பிரதான தொழிலாக இருந்து வருகிறது. விவசாயிகள் கால்நடை வளர்ப்பிலும் ஈடுபட்டு, அதன் வாயிலாகவும் வருவாய் ஈட்டி வருகின்றனர். இந்நிலையில், சிறுதாமூர், பட்டா, அருங்குன்றம் ஆகிய கிராமங்களில், தனியார் கல் குவாரிகள் இயங்கி வருகின்றன. இங்கு வெடிவைத்து எடுக்கப்படும் பாறைகளை, அருகிலுள்ள கிரஷர்களில் உடைத்து எம்-சாண்ட், ஜல்லிகள் ஆகியவையாக மாற்றப்படுகின்றன.
பின், லாரிகள் வாயிலாக, செங்கல்பட்டு, சென்னை, காஞ்சிபுரம் ஆகிய பகுதிகளுக்கு கொண்டு சென்று விற்பனை செய்யப்பட்டு வருகிறது. தற்போது, பட்டா கிராமத்தில் இயங்கிவரும் தனியார் கல் குவாரி ஒன்று, பூமியில் வெடி வைத்து பாறைகளை உடைத்து எடுத்து வருகிறது. பாறைகளை வெடிவைத்து உடைக்கும் போது, அங்கிருந்து சிதறும் கற்கள் அருகிலுள்ள விவசாய நிலங்களில் விழுகிறது. அப்போது, அருகிலுள்ள நிலங்களில் மேய்ச்சலுக்காக கட்டப்பட்டுள்ள கால்நடைகள் மீது கற்கள் விழுந்து பலத்த காயம் ஏற்படுகிறது. சில நேரங்களில் விவசாய நிலங்களில் வேலை செய்யும், விவசாயிகள் மீதும் கற்கள் விழுந்து விபத்தில் சிக்குகின்றனர்.
பின், லாரிகள் வாயிலாக, செங்கல்பட்டு, சென்னை, காஞ்சிபுரம் ஆகிய பகுதிகளுக்கு கொண்டு சென்று விற்பனை செய்யப்பட்டு வருகிறது. தற்போது, பட்டா கிராமத்தில் இயங்கிவரும் தனியார் கல் குவாரி ஒன்று, பூமியில் வெடி வைத்து பாறைகளை உடைத்து எடுத்து வருகிறது. பாறைகளை வெடிவைத்து உடைக்கும் போது, அங்கிருந்து சிதறும் கற்கள் அருகிலுள்ள விவசாய நிலங்களில் விழுகிறது. அப்போது, அருகிலுள்ள நிலங்களில் மேய்ச்சலுக்காக கட்டப்பட்டுள்ள கால்நடைகள் மீது கற்கள் விழுந்து பலத்த காயம் ஏற்படுகிறது. சில நேரங்களில் விவசாய நிலங்களில் வேலை செய்யும், விவசாயிகள் மீதும் கற்கள் விழுந்து விபத்தில் சிக்குகின்றனர்.