கடலில் வாழும் உயிரினங்களில் ஒன்றான ஆக்டோபஸுக்கு மூன்று இதயங்கள் உள்ளன என்பது ஆச்சரியமான தகவல். இதில் இரண்டு இதயங்கள் செவுள்களுக்கு ரத்தத்தை அனுப்பி, அங்கு ஆக்சிஜனைப் பெற உதவுகின்றன. மூன்றாவது இதயம் ஆக்சிஜன் நிறைந்த ரத்தத்தை உடலின் மற்ற பகுதிகளுக்குச் செலுத்துகிறது. மேலும், ஆக்டோபஸின் ரத்தம் சிவப்பு நிறத்தில் இல்லாமல் நீல நிறத்தில் இருக்கும். இதற்குக் காரணம் ரத்தத்தில் உள்ள ஹீமோசயனின் என்ற புரதமாகும். இதில் இரும்புக்குப் பதிலாக தாமிரம் இருப்பதால் ஆக்சிஜனுடன் இணையும்போது நீல நிறமாக மாறுகிறது.