தமிழக முதல்வர் மு.க. ஸ்டாலின் 72வது பிறந்த நாளை முன்னிட்டு, கோவை வடக்கு மாவட்ட தி.மு.க கவுண்டம்பாளையம் பகுதி கழகமும், கால்நடை கலாச்சாரம் மற்றும் ரேக்ளா பாதுகாப்பு சங்கமும் இணைந்து மாபெரும் மாட்டு வண்டி மற்றும் குதிரை வண்டி எல்கை பந்தயத்தை நேற்று கோவை கணுவாய் பகுதியில் சிறப்பாக நடத்தியது. இந்த பாரம்பரிய விளையாட்டுப் போட்டியை மின்சாரம், மதுவிலக்கு மற்றும் ஆயத்தீர்வைத் துறை அமைச்சர் செந்தில் பாலாஜி கொடியசைத்து துவக்கி வைத்தார். மேலும், அவர் இந்நிகழ்ச்சியில் சிறப்புரையும் ஆற்றினார்.
அமைச்சர் செந்தில் பாலாஜி பேசுகையில், முதல்வர் அவர்கள் பல்வேறு நலத்திட்டங்களைச் சிறப்பாகச் செயல்படுத்தி வருவதோடு மட்டுமல்லாமல், தமிழ்நாட்டின் கலாச்சாரம் மற்றும் பண்பாட்டிற்கு முக்கியத்துவம் அளித்து வருகிறார். இதன் காரணமாகவே இதுபோன்ற போட்டிகள் தமிழ்நாடு முழுவதும் நடத்தப்பட்டு வருகின்றன. இந்தப் போட்டியை சிறப்பாக நடத்திக் கொண்டிருக்கும் அனைவருக்கும் முதலமைச்சர் அவர்களின் சார்பாகவும், என் சார்பாகவும் வாழ்த்துக்களையும் நன்றியையும் தெரிவித்துக் கொள்கிறேன் என்று கூறினார். இப்பந்தயத்தில் இரட்டை பெரிய மாடு கொண்ட பிரிவில் வெற்றி பெற்ற பெரிய இரட்டை மாட்டிற்கு முதல் பரிசாக இருபதாயிரம் ரூபாயும், சிறிய மாட்டிற்கு முதல் பரிசாக 15 ஆயிரம் ரூபாயும் வழங்கப்பட்டது.
அமைச்சர் செந்தில் பாலாஜி பேசுகையில், முதல்வர் அவர்கள் பல்வேறு நலத்திட்டங்களைச் சிறப்பாகச் செயல்படுத்தி வருவதோடு மட்டுமல்லாமல், தமிழ்நாட்டின் கலாச்சாரம் மற்றும் பண்பாட்டிற்கு முக்கியத்துவம் அளித்து வருகிறார். இதன் காரணமாகவே இதுபோன்ற போட்டிகள் தமிழ்நாடு முழுவதும் நடத்தப்பட்டு வருகின்றன. இந்தப் போட்டியை சிறப்பாக நடத்திக் கொண்டிருக்கும் அனைவருக்கும் முதலமைச்சர் அவர்களின் சார்பாகவும், என் சார்பாகவும் வாழ்த்துக்களையும் நன்றியையும் தெரிவித்துக் கொள்கிறேன் என்று கூறினார். இப்பந்தயத்தில் இரட்டை பெரிய மாடு கொண்ட பிரிவில் வெற்றி பெற்ற பெரிய இரட்டை மாட்டிற்கு முதல் பரிசாக இருபதாயிரம் ரூபாயும், சிறிய மாட்டிற்கு முதல் பரிசாக 15 ஆயிரம் ரூபாயும் வழங்கப்பட்டது.