கோவை, குனியமுத்தூர் இடையர்பாளையத்தைச் சேர்ந்த ஆட்டோ ஓட்டுநர் சுகுமார் (30) நேற்று தனது ஆட்டோவில் அதே பகுதியைச் சேர்ந்த சையது சலீம் (59) என்பவரை ஏற்றிக்கொண்டு சென்றார். சுண்ணாம்பு காளவாய் அருகே சென்றுகொண்டிருந்தபோது, திடீரென ஓட்டுநர் சுகுமாருக்கு மயக்கம் ஏற்பட்டது. இதன் காரணமாக, கட்டுப்பாட்டை இழந்த ஆட்டோ சாலையில் தாறுமாறாக ஓடி, நடுவில் இருந்த தடுப்புச்சுவரில் பயங்கரமாக மோதியது. இந்த விபத்தில் ஆட்டோவில் பயணித்த சையது சலீமுக்கு பலத்த காயம் ஏற்பட்டது.
உடனடியாக சம்பவ இடத்திற்கு விரைந்த அக்கம் பக்கத்தினர், படுகாயமடைந்த சையது சலீமை மீட்டு சிகிச்சைக்காக கோவை அரசு மருத்துவமனைக்கு அனுப்பி வைத்தனர். எனினும், மருத்துவமனையில் அவரை பரிசோதித்த மருத்துவர்கள், அவர் ஏற்கனவே உயிரிழந்துவிட்டதாக தெரிவித்தனர். இந்த சம்பவம் குறித்து கோவை மேற்கு போக்குவரத்து புலனாய்வு பிரிவு போலீசார் வழக்குப்பதிவு செய்து தீவிர விசாரணை மேற்கொண்டு வருகின்றனர். ஓட்டுநர் சுகுமாரின் மயக்கத்திற்கான காரணம் குறித்தும் போலீசார் விசாரித்து வருகின்றனர். இந்த சம்பவம் அப்பகுதியில் பெரும் சோகத்தை ஏற்படுத்தியுள்ளது.
உடனடியாக சம்பவ இடத்திற்கு விரைந்த அக்கம் பக்கத்தினர், படுகாயமடைந்த சையது சலீமை மீட்டு சிகிச்சைக்காக கோவை அரசு மருத்துவமனைக்கு அனுப்பி வைத்தனர். எனினும், மருத்துவமனையில் அவரை பரிசோதித்த மருத்துவர்கள், அவர் ஏற்கனவே உயிரிழந்துவிட்டதாக தெரிவித்தனர். இந்த சம்பவம் குறித்து கோவை மேற்கு போக்குவரத்து புலனாய்வு பிரிவு போலீசார் வழக்குப்பதிவு செய்து தீவிர விசாரணை மேற்கொண்டு வருகின்றனர். ஓட்டுநர் சுகுமாரின் மயக்கத்திற்கான காரணம் குறித்தும் போலீசார் விசாரித்து வருகின்றனர். இந்த சம்பவம் அப்பகுதியில் பெரும் சோகத்தை ஏற்படுத்தியுள்ளது.