கோவை மாநகராட்சியின் 24 மணி நேர குடிநீர் வழங்கும் திட்டம் திட்டமிடப்பட்ட வேகத்தில் முன்னேறவில்லை என்ற விமர்சனங்கள் எழுந்துள்ளன. 2019 இல் தொடங்கப்பட்ட இத்திட்டம், பழைய 60 வார்டுகளில் 1.50 லட்சம் வீடுகளுக்கு குடிநீர் இணைப்புகளை வழங்கும் நோக்குடன் செயல்படுத்தப்படுகிறது. மொத்தம் 700 கி.மீ. குழாய் பதிப்பு, 35 மேல்நிலை தொட்டிகள் உள்ளிட்ட பணிகள் இடம்பெறும் இத்திட்டத்திற்கு, கொரோனா காரணமாக கால அவகாசம் நீட்டிக்கப்பட்டும், இன்னும் முழுமையாக முடிக்கப்படவில்லை. தற்போது, திருச்சி சாலை மற்றும் மேட்டுப்பாளையம் சாலைகளில் முக்கிய குழாய் பணிகள் நடைபெற்று வருகின்றன. பாரதி பார்க் மேல்நிலை தொட்டியில் இருந்து பல பகுதிகளுக்கு இணைப்புகள் தரப்படுகின்றன. மாநகராட்சி அதிகாரிகள் தெரிவித்ததாவது, சிறுவாணி தண்ணீர் வராத நேரங்களில் பில்லூர் நீரை நகரத்தின் எல்லையான கரும்புக்கடை வரை விநியோகிக்க இந்தத் திட்டம் முக்கிய பங்களிப்பளிக்கும் என கூறினர். பணிகளை இந்த ஆகஸ்டுக்குள் முடிக்க நகராட்சி தீவிரமாக செயல்படுகிறது.
பெண் தலைவர் மரணம்.. மருத்துவமனைக்கு தீ வைப்பு