కూనమరాజుపాళెం శ్రీ మహాలక్ష్మి అమ్మవారికి విశేష పూజలు
నిండ్ర మండలం కూనమరాజుపాళెంలోని శ్రీ మహాలక్ష్మి అమ్మవారి దేవస్థానము నందు శుక్రవారం ఉదయం అమ్మవారికి విశేష పూజలు నిర్వహించారు. ఈక్రమంలో ఉదయం అమ్మవారికి తిరుమంజనం గావించి నూతన పట్టు వస్త్రాలతో అలంకరించారు. అనంతరం విశేష పూజలో భాగంగా కుంకుమార్చనలు నిర్వహించి నైవేద్యాలు సమర్పించి కర్పూర నీరాజనాలు అందజేశారు. ఆలయ ప్రధాన అర్చకులు రూపేష్ క్రిష్ణ ఆచార్యులు వచ్చిన భక్తులకు తీర్ధప్రసాదాలు అందజేశారు.
