విశాఖ జిల్లాలో దొంగలు బీభత్సం
విశాఖ జిల్లాలో దొంగలు బీభత్సం సృష్టించారు. ఎయిర్పోర్ట్ క్రైమ్ పోలీస్ స్టేషన్ పరిధి బుచ్చిరాజుపాలెం గవర వీధిలో శుక్రవారం అర్ధరాత్రి పక్కపక్కన ఉన్న ఇంట్లో ఎవరూ లేని సమయంలో తలుపులు విరగగొట్టి దొంగతనం చేశారు. బాధితులు శనివారం పోలీసులకు ఫిర్యాదు చేశారు. ఈ ఘటనలో 15 తులాల బంగారం, 18 తులాల వెండి, రూ.78 వేలు దోచుకుపోయినట్లు వెస్ట్ సబ్ డివిజన్ క్రైమ్ సీఐ నిమ్మకాయల శ్రీనివాసరావు తెలిపారు.
