నర్సంపేట: ప్రమాదవశాత్తు చెట్టుపై నుండి పడి గీత కార్మికునికి గాయాలు

వరంగల్ జిల్లా దుగ్గొండి మండలంలోని చంద్రయ్యపల్లి గ్రామానికి చెందిన గడ్డమీది చేరాలు గౌడ్ గురువారం మల్లంపల్లిలోని తాటివనంలో తాడిచెట్టు ఎక్కుతుండగా ప్రమాదవశాత్తు జారి కిందపడటంతో తీవ్ర గాయాలపాలయ్యాడు. వెంటనే గమనించిన తోటి గీత కార్మికులు చికిత్స నిమిత్తం వరంగల్ ఎంజీఎంకు తరలించారు. గీత కార్మికుడి కుటుంబానికి ప్రభుత్వం ఆర్థిక సహాయం అందించాలని గ్రామస్తులు కోరుతున్నారు.