மரைக்குளம் பகுதியில் அதிமுக பூத் கமிட்டி ஆலோசனை கூட்டம்

விருதுநகர் மாவட்டம் காரியாபட்டி கிழக்கு ஒன்றியத்திற்கு உட்பட்ட சாலை மறைக்குளம் பகுதியில் விருதுநகர் கிழக்கு மாவட்ட கழகச் செயலாளர் ஆர். கே. ரவிச்சந்திரன் மற்றும் முன்னாள் சட்டமன்ற உறுப்பினரும் , கிழக்கு மாவட்ட பூத் கமிட்டி பொறுப்பாளருமான மைக்கேல் ராயப்பன் ஆகியோர் தலைமையில் அதிமுக பூத் கமிட்டி நிர்வாகிகள் நியமனம் செய்தல் தொடர்பாக களஆய்வு மற்றும் ஆலோசனைக் கூட்டம் நடைபெற்றது.

இந்த கூட்டத்தில் சாலை மறைக்குளம் முன்னாள் திமுக ஊராட்சி மன்றத் தலைவர் மகன் செல்வம் உள்ளிட்ட 20க்கும் மேற்பட்டோர் திமுக வில் இருந்து விலகி அதிமுகவில் தங்களை இணைத்துக் கொண்டனர்.

காரியாபட்டி கிழக்கு ஒன்றிய கழகச் செயலாளர் S. M. B. வேங்கை மார்பன் ஏற்பாட்டில், காரியாபட்டி கிழக்கு ஒன்றியத்திற்கு உட்பட்ட சாலை மறைக்குளம், தேனூர், துலுக்கன்குளம், கம்பாளி உள்ளிட்ட பல்வேறு பகுதிகளில் அதிமுக பூத் கமிட்டிக்கு நியமனம் செய்யப்பட்டுள்ள நிர்வாகிகளை விருதுநகர் கிழக்கு மாவட்ட கழக செயலாளர் ஆர். கே. ரவிச்சந்திரன் மற்றும் கிழக்கு மாவட்ட பூத் கமிட்டி பொறுப்பாளரும், முன்னாள் சட்டமன்ற உறுப்பினருமான மைக்கேல் ராயப்பன் ஆகியோர் நேரில் சந்தித்து கள ஆய்வு மேற்கொண்டனர்.

மேலும் அதிமுக பூத் கமிட்டிக்கு தேர்வு செய்யப்பட்ட நிர்வாகிகளின் பணிகள் குறித்து பூத் கமிட்டி பொறுப்பாளர் மைக்கேல் ராயப்பன் விரிவாக எடுத்துரைத்தார்.