గోపాలపురం: రోడ్డు ప్రమాదంలో వ్యక్తి మృతి
బైక్ అదుపు తప్పి యువకుడు ప్రాణాలు కోల్పోయిన ఘటన గోపాలపురం మండలంలో బుధవారం జరిగింది. సగ్గొండలోని ఆంధ్ర షుగర్ ఫ్యాక్టరీలో పని చేస్తున్న జాలిపర్తి సుధీర్ (30) కరగపాడులోని తన అత్తారింటి వద్ద ఉన్న తన భార్య వద్దకు వెళ్తుండగా బైక్ అదుపుతప్పి పడిపోయాడు. దీంతో తలకు బలమైన గాయమవ్వడంతో అక్కడికక్కడే మరణించాడని ఎస్సై సతీష్ కుమార్ తెలిపారు. మృతుని భార్య దుర్గశ్రీ ఫిర్యాదుపై కేసు నమోదు చేసామన్నారు.
