கேம் சேஞ்சர் படத்தின் டப்பிங் பணிகள் தொடக்கம்

ஆர்.ஆர்.ஆர் படத்தின் மிகப்பெரிய வெற்றிக்கு பிறகு ராம்சரண், இயக்குனர் ஷங்கர் இயக்கத்தில் "கேம் சேஞ்சர்" படத்தில் நடித்துள்ளார். இந்தபடத்தில் ஊழல் அமைப்புக்கு எதிராக போராடும் ஐஏஎஸ் அதிகாரியாக ராம் சரண் நடித்துள்ளார். தற்போது, ஐதராபாத்தில் இந்த படத்தின் டப்பிங் பணிகளை படக்குழுவினர் பூஜையுடன் தொடங்கி உள்ளனர். இது குறித்த புகைப்படங்களை இன்ஸ்டாகிராம் பக்கத்தில் படக்குழுவினர் வெளியிட்டுள்ளனர். இந்தப்படம் வருகிற டிசம்பர் மாதம் வெளியாகும் என்று எதிர்பார்க்கப்படுகிறது.