தஞ்சாவூரில் அழுகிய நிலையில் இளைஞர் சடலம்

தஞ்சாவூரில் அழுகிய நிலையில் கிடந்த இளைஞர் சடலத்தைக் காவல் துறையினர் கைப்பற்றி விசாரணை மேற்கொண்டுள்ளனர். தஞ்சாவூர் ஆடக்காரத் தெருவைச் சேர்ந்தவர் சின்னராசு (24). மீன் சந்தையில் சுமை தூக்கும் தொழிலாளியான இவருக்கு இன்னும் திருமணமாகவில்லை. நான்கு நாட்களுக்கு முன்பு வீட்டை விட்டு சென்ற இவர் வீட்டுக்கு திரும்பவில்லை.  

இந்நிலையில், ஆடக்காரத் தெரு சுடுகாட்டுக்கு எதிரே அழுகிய நிலையில் சின்னராசு சடலமாகக் கிடந்தார். இதற்கான காரணம் உடனடியாக தெரியவில்லை. தகவலறிந்த கிழக்கு காவல் நிலையத்தினர் நிகழ்விடத்துக்கு சென்று சடலத்தை மீட்டு விசாரணை மேற்கொண்டுள்ளனர்.