கல்பாக்கம் அருகே மூதாட்டி கொலையில் 4 பேர் கைது

செங்கல்பட்டு மாவட்டம் சதுரங்கப்பட்டினம் காவல் நிலைய எல்லைக்கு உட்பட்ட பொம்மராஜபுரத்தைச் சேர்ந்த கன்னியம்மாள், (80), என்பவர், கடந்த 16ம் தேதி, அவரது வீட்டிற்குள் புகுந்த மர்ம நபர்களால், கழுத்தை அறுத்து, கொடூரமாக கொலை செய்யப்பட்டார். அவர் அணிந்திருந்த, 1. 5 சவரன் நகை திருடு போயிருந்தது. சதுரங்கப்பட்டினம் போலீசார் வழக்குப்பதிந்து விசாரித்தனர். இந்நிலையில், நேற்று (செப்.21) நான்கு பேரை கைது செய்தனர். போலீசார் கூறியதாவது:

நல்லாத்துாரைச் சேர்ந்த சச்சின் என்ற திவ்வியராஜ், (24), ஆயப்பாக்கத்தைச் சேர்ந்த பிரகாஷ், (19), பொம்மராஜபுரத்தைச் சேர்ந்த ராஜேஷ், (20) மற்றும் (17) வயது சிறுவன் ஆகியோர் சேர்ந்து, மூதாட்டியை நகைக்காக கொலை செய்துள்ளனர். கொலைக்கு வேறு காரணமில்லை. இவ்வாறு, அவர்கள் கூறினர்.