அமைச்சராக பதவியேற்க அண்ணாமலைக்கு அழைப்பு?

மத்திய அமைச்சராக பதவி ஏற்க பாஜக மாநில தலைவர் அண்ணாமலைக்கு பிரதமர் அலுவலகத்தில் இருந்து அழைப்பு விடுக்கப்பட்டுள்ளதாக தகவல் வெளியாகி உள்ளது. இன்று மாலை 7.15 மணிக்கு குடியரசு தலைவர் மாளிகையில் நடைபெறும் விழாவில் நரேந்திர மோடி 3-வது முறையாக பிரதமராக பதவியேற்க உள்ளார். இந்நிலையில், மோடி பதவி ஏற்ற பின் அண்ணாமலையுடன் சேர்த்து 12 பேர் மத்திய அமைச்சர்களாக பதவியேற்க உள்ளதாக தகவல் வெளியாகி உள்ளது. அமைச்சர் பதவி வேண்டாம் என அண்ணாமலை கூறியது குறிப்பிடத்தக்கது.