కళ్యాణదుర్గం: ఎన్టీఆర్ కాలనీలో నీటి కోసం క్యూ కట్టిన మహిళలు

కళ్యాణదుర్గం పట్టణంలోని ఎన్టీఆర్ కాలనీలో తాగునీటి సమస్య నెలకొంది. కాలనీలోని పలు వీధుల్లో అవసరాలకు తగినన్ని వీధి కొళాయిలు లేకపోవడంతో తాగునీటికి ఇబ్బందిగా మారింది. ఈ నేపథ్యంలో సోమవారం కాలనీలోని వీధి కొళాయి వద్ద కడవలను వంతులుగా పెట్టిన మహిళలు నేను ముందు అంటూ తాగునీటి కోసం తాపత్రయపడ్డారు. ప్రజల అవసరాలకు మంచినీటి సౌకర్యాన్ని ఏర్పాటు చేయాలని కాలనీ ప్రజలు విజ్ఞప్తి చేశారు.