వరంగల్: బైకుల దొంగ అరెస్ట్

వరంగల్ నగరంలో ద్విచక్ర వాహనాల చోరీలకు పాల్పడుతున్న నిందితుడిని హనుమకొండ పోలీసులు సోమవారం అరెస్టు చేసినట్లు సీఐ సతీష్ తెలిపారు. వరంగల్ ఎల్బీనగర్, రహమత్పురా కు చెందిన మహ్మద్ వసీం సులువుగా డబ్బు సంపాదించడం కోసం పార్కింగ్ చేసి ఉన్న ద్విచక్ర వాహనాలను చోరీ చేయసాగాడు. పోలీసులను చూసి పారిపోయేందుకు ప్రయత్నించగా, వెంబడించి పట్టుకున్నారు. మూడు వాహనాలను స్వాధీనం చేసుకున్నారు.