నర్సంపేట: అనుమానాస్పదంగా వ్యక్తి మృతి
నర్సంపేట మండలం మహేశ్వరంలో అనుమానాస్పదంగా ఒకరు మృతి చెందారు. వైనాల కొమురయ్య అనే వ్యక్తి ఆదివారం తెల్లవారుజామున అస్వస్థతకు గురయ్యాడని రాములునాయక్ తండాకు చెందిన ఒక మహిళ నర్సంపేట ప్రభుత్వ ఆసుపత్రిలో చేర్పించింది. కొద్దిసేపటికే కొమురయ్య మృతి చెందాడు. ఆ మహిళపై అనుమానం వ్యక్తం చేస్తూ మృతుడి కుటుంబ సభ్యులు పోలీసులకు ఫిర్యాదు చేశారు. మృతుడికి, సదరు మహిళకు మధ్య అక్రమ సంబంధం ఉన్నట్లుగా స్థానికులు అనుమానిస్తున్నారు.
